Glænýr Hyundai
KONA Electric.

Framúrskarandi drægi í rafmagnsakstri

Rafmagnaður akstur.

Nýr KONA Electric er fyrsti rafknúni smájeppinn í Evrópu og er bæði fjölhæfur og skemmtilegur í akstri. 
Í þessum nýja brautryðjanda sameinast óviðjafnanlegt drægi í rafmagnsakstri
djarfri og rúmgóðri jeppahönnun – án nokkurra málamiðlana.

Afgerandi hönnun

Nýr KONA Electric er í senn
fágaður á alla kanta og skarpur á brún.

Sérstakur á sinn einstaka hátt

Nýr KONA Electric-bíll státar af kraftmiklu, straumlínulöguðu útliti, með fáguðu, lokuðu grilli sem kallar fram rafmagnsaflrásina.
Afgerandi framstuðarinn og einkennandi sambyggð KONA ljósin fullkomna þessa einstöku hönnun.

Fagurmótaður og fágaður

Nýr KONA Electric er í senn fágaður á alla kanta og skarpur á brún.
Kröftuglegt yfirborð flæðir yfir í einkennandi stuðara sem saman draga fram einkennandi útlit bílsins.

Upplifðu það besta
úr báðum heimum.

Í KONA Electric sameinast gott rými og grípandi útlit framúrskarandi drægi í rafmagnsakstri, 
allt að 482 km, sem þýðir að þú færð það besta úr báðum heimum – án nokkurra málamiðlana.

Sveigjanleg hleðsla

Þú getur hlaðið hann heima yfir nótt eða bætt á hleðsluna á næstu á hraðhleðslustöð.
KONA Electric býður upp á fjölbreytt úrval sveigjanlegra hleðslumöguleika.
LiPo-rafhlöðupakkinn er síður viðkvæmur fyrir áhrifum hleðsluminnis og hefur frábæra hleðslu- og afhleðslugetu, auk framúrskarandi hámarksafls.

Stillanleg endurheimt hemlaafls

Kerfið endurheimtir viðbótarorku með því að nota rafmótorinn til að hægja á bílnum í stað hemlanna. 
Orkan sem myndast með endurheimt hemlakerfisins er geymd í rafhlöðunni og hjálpar til við að viðhalda hleðslu KONA-rafbílsins.
Ökumaðurinn getur auðveldlega stillt hversu mikið hemlaafl er endurheimt með skiptirofunum á bak við stýrið.

Þú velur.

Settu saman KONA Electric eftir þínu höfði. Hann er fáanlegur með afgerandi áherslulit á þaki og hægt er
að velja úr sjö litum á ytra byrði og þremur litum á þak, sem skilar sér í 21 mismunandi litasamsetningu. 
Hér geturðu kynnt þér nokkra möguleika.

Sjónlínuskjár (HUD)

Nýi sjónlínuskjárinn er búinn framúrskarandi lýsingu sem tryggir góða yfirsýn og eykur öryggi þitt með því að varpa mikilvægum upplýsingum á borð við hraða, leiðsögn og viðvaranir beint fyrir augun á þér.

Nýtt 7" mælaborð

Nýstárlegt 7" stafræna mælaborðið sýnir akstursstillingu og greinir orkuflæði og hleðslu rafhlöðunnar á skýran hátt. Þar sést á augabragði hvernig aksturslag þitt hefur áhrif á akstursdrægið.

Rafmagnaður stíll.

Þróttmikið útlit sem vekur athygli, fáguð LED-lýsing og einstök smáatriði eru
allt einkennandi þættir í smájeppunum frá Hyundai.

Sambyggð ljós

Einstök ljósasamstæðan með LED-aðalljósum og LED-dagljósum gefur bílnum einkennandi útlit.

Ljós felld yfir horn

Trygg og breið staða KONA Electric er undirstrikuð með þakboga sem einnig kallar fram rennilega þaklínuna og þolir allt að 80 kg hleðslu – sem þýðir að þú getur sett upp þakfestingu og haft með þér þann búnað sem þú vilt.

Fallegur og hagkvæmur

Trygg og breið staða KONA Electric er undirstrikuð með þakboga sem einnig kallar fram rennilega þaklínuna og þolir allt að 80 kg hleðslu – sem þýðir að þú getur sett upp þakfestingu og haft með þér þann búnað sem þú vilt.

Sérstakur á sinn einstaka hátt.

Áhersla á smáatriðin er það sem gerir nýjan KONA Electric svona sérstakan.
Saman fara ótrúleg þægindi og úrval gæðaefna sem gefa þér tilfinningu fyrir fágun.

Veldu það sem þér finnst best

Í svarta innanrýminu geturðu valið á milli ofins áklæðis, samsetningar áklæðis 
og leðurs eða alklæðningar með leðri.

Veldu það sem þér finnst best

Þriggja tóna blátt og grátt litaþema í innanrými er fáanlegt með
samsetningu áklæðis og leðurs eða alklæðningar með leðri.

Pláss

Nýr KONA Electric er hannaður til að létta undir í daglegu lífi – með miklu plássi bæði fyrir farþega og farangur í 332 lítra (VDA) farangursgeymslu. Með sætin niðri er farangursrýmið orðið 1114 lítrar og rúmar allt sem þarf fyrir helgarferðina.

Miðstokkur

Hefðbundinni gírstöng hefur verið skipt út fyrir fjóra rafknúna hnappa sjálfskiptingarinnar. Breytt hönnun sem fylgir akstri á rafmagni og skapar pláss fyrir viðbótargeymsluhólf þar sem geyma má persónulega muni undir miðstokknum. Þetta er stærsta breytingin í innanrými KONA Electric frá hefðbundna KONA-bílnum.

Sóllúga

Hleyptu sólinni inn í líf þitt og njóttu útsýnis um víðan völl með sóllúgu.

Sóllúga er aðeins í boði fyrir samlitt þak.

Afl, fjör og sparneytni

Njóttu rafmagnsaksturs eins og hann gerist bestur, með frábærri hröðun og heilmiklu drægi.

* Tölurnar vísa til 64 kWh rafhlöðu. Allar tölur eru samkvæmt WLTP-prófun (Worldwide Harmonized Light-Duty Vehicles Test Procedure), sem mælir eldsneytis- og orkunotkun, drægi og útblástur í farþegabílum í Evrópu. Henni er ætlað að skila tölum sem eru nær raunverulegu aksturslagi. Samkvæmt NEDC-staðlinum (New European Driving Cycle) er akstursdrægið 546 km. NEDC er núverandi prófunaraðferð, sem verið er að skipta út fyrir WLTP-prófunina.** Allt að 80% hleðslustaða, ef hlaðið er á 100 kW hleðslustöð með jafnstraumi.

Alvarlega skemmtilegur í akstri

Enginn sagði að rafknúnar samgöngur þyrftu að vera leiðinlegar. Taktu leiftursnöggt af stað með 395 Nm tafarlausu togi rafmagnsaflrásar í sportjeppa sem fer úr kyrrstöðu í 100 km/klst. á aðeins 7,6 sekúndum í 64 kWh-útgáfunni. Þú getur valið þér drægi með því að velja á milli tvenns konar rafhlaðna: 39,2 kWh-útgáfunnar með allt að 312 km drægi í WLTP-prófuninni (345 km ef því er umbreytt í NEDC) og 64 kWh-útgáfunnar með allt að 482 km drægi í WLTP-prófuninni (546 km ef því er umbreytt í NEDC) á einni hleðslu.

Rafaksturstækni

Sérvaldir íhlutir rafmagnsaflrásarinnar voru hannaðir til að bjóða upp á frábæra aksturseiginleika og akstursdrægi sem hentar fyrir hefðbundna hversdagslega notkun. Kona er með algjörlega nýja grind sem býður upp á innfellingu rafhlöðupakkanna án þess að þeir skerði rýmið.

LiPo-rafhlaða

Hyundai ákvað að nota LiPo-rafhlöðupakka í Kona Electric í stað hefðbundinna Ni-MH rafhlaðna. LiPo-rafhlöður eru síður viðkvæmar fyrir áhrifum hleðsluminnis og skila frábærri hleðslu- og afhleðslugetu, auk framúrskarandi hámarksafls. Ný gerð hitastjórnunarkerfis fyrir rafhlöður í KONA Electric skilar betri nýtingu á rafhlöðum og lengri endingu. Það er vatnskælt með tengingu við loftkælingarkerfið og hitað upp með rafmagnshitaelementi.

Akstursdrægi og rafhlöðurýmd
482 km / 64 kWh

Rafmótor

64 kWh-útgáfan með hámarkshraða upp á 167 km/klst.
skilar allt að 482 km akstursdrægi í WLTP-prófuninni
(546 km með umbreytingu í NEDC) á stakri hleðslu.

Afl
150 kW (204 hö.)

Snjöll tækni fyrir einstaka aksturseiginleika

Hámarkaðu akstursdrægið með aflendurheimt hemlakerfis KONA Electric sem
hleður rafhlöðuna með því að nota rafmótorinn til að hægja á bílnum.

Stillanleg endurheimt hemlaafls

Hemlun er fínstillt þannig að endurheimtarkerfi hemlaafls  nýtist sem best og KONA Electric haldi ákjósanlegri hleðslu.
Ökumaðurinn  getur auðveldlega stillt hversu mikið hemlaafl er endurheimt með  skiptirofunum á bak við stýrið.

Stig 0

Endurheimt hemlaafls er ekki virk og rafhlaðan hleðst ekki.

Endurheimt hemlaafls – stig 1

Bíllinn hægir örlítið á sér með rafmótornum og hleðslustyrkur er í lægstu stöðu.

Endurheimt hemlaafls – stig 2

Bíllinn hægir hraðar á sér en á stigi 1 og hleðslustyrkur er meiri en á stigi 1.

Endurheimt hemlaafls – stig 3

Bíllinn hægir hraðar á sér en á stigi 2 og hleðslustyrkur er meiri en á stigi 2.

Notkun með einum skiptirofa

Einnig er hægt að nota skiptirofann til að hemla. Þú einfaldlega togar í vinstri skiptirofann og heldur honum þannig.
Hægt er að hægja á bílnum þannig að hann stöðvist alveg á þennan hátt, án þess að stigið sé á hefðbundna hemlafótstigið.

HALDIÐ

Togaðu í vinstri skiptirofann og haltu honum þannig til að virkja hámarksstyrk endurheimtar hemlaafls.
Þú getur stöðvað bílinn á þennan hátt – án þess að nota hefðbundna hemlafótstigið. Hleðslustyrkur er mestur í þessari stillingu.

Stillanleg endurheimt hemlaafls

Hemlakerfi með stillanlegri endurheimt hemlaafls nýtir ratsjárskynjara bílsins til að stjórna sjálfkrafa hversu mikið hemlaafl er endurheimt í samræmi við umferðina fram undan. Að auki greinir það einnig hvort KONA Electric er að keyra upp eða niður brekku og lagar sig að því.

Snjallhraðastillir með Stop & Go-eiginleika (SCC w/ S&G)

Eykur öryggi og dregur úr streitu með því að halda forstilltri fjarlægð frá næsta ökutæki á undan og minnka eða auka hraðann sjálfkrafa upp að tilgreindum mörkum, í samræmi við umferðarskilyrði hverju sinni. Í mjög hægri umferð og umferðarteppum viðheldur snjallhraðastillirinn forstilltri fjarlægð eftir að bíllinn nemur staðar og setur mótorinn aftur í gang þegar hann greinir að umferðin framundan tekur að hreyfast á ný og stigið er létt á eldsneytisgjöfina.

Aksturshljóð

Rafbílar bjóða upp á eldsnögga hröðun og eru afar hljóðlátir – sem er frábært, nema fyrir gangandi vegfarendur
sem eru vanir að heyra vélarhljóð í bílum og heyra þess vegna ekki þegar bíllinn þinn nálgast. 
Þess vegna gefur KONA Electric frá sér lágstemmt aksturshljóð til að auka öryggi gangandi vegfarenda, blindra, hjólreiðafólks og dýra.

Hleðsla

KONA Electric býður upp á ýmsa möguleika til að hlaða bílinn,
allt eftir því hvernig rafveita er heima hjá þér eða hvaða hraðhleðslustöðvum þú hefur aðgang að.

Hraðhleðsla

Þegar notaður er 100 kW jafnstraumur á hraðhleðslustöð tekur aðeins 54 mínútur að hlaða
LiPo-rafhlöðu KONA Electric-bílsins upp í 80% hleðslustöðu. Ef þú tengist 50 kW stöð er hleðslutíminn 75 mínútur

Venjuleg hleðsla

Þegar bíllinn er tengdur við heimahleðslustöð / hleðslustöð með riðstraumi tekur 9 klukkustundir og 35 mínútur að hlaða rafhlöðuna fyrir lengra drægi en 6 klukkustundir og 10 mínútur að hlaða rafhlöðuna fyrir styttra drægi.
Einnig er hægt að tengja hann við venjulega heimilisinnstungu með því að nota ICCB-snúruna (með innbyggðu stjórnboxi) og þá tekur annars vegar 19 klukkustundir og hins vegar 31 klukkustund að hlaða rafhlöðurnar. KONA Electric er búinn 7,2 kW hleðslutæki sem umbreytir riðstraumi úr vegginnstungu í jafnstraum sem hleður rafhlöðu bílsins.

Hleðslutímastýring

Eftir þínum þörfum. Háþróað stjórnkerfi rafhlöðunnar í KONA Electric veitir þér fullkomna stjórn. 
Sérsníddu hleðslutíma þína svo að þeir falli að þinni áætlun og fjárhag.

Hleðslutími tekinn frá

Það þarf bara örfáar snertingar til að spara peninga. Notaðu  eiginleikann til að taka frá hleðslutíma á miðjuskjánum til að stilla upphaf  og lok hleðslutíma þannig að þú getir nýtt þér lægra raforkugjald utan  álagstíma og stigið inn í bíl með fullhlaðinni rafhlöðu þegar þú vaknar.

Hleðsluhámark

Stilltu hleðsluhámark – til dæmis 50% – til að nýta þér  hraðhleðslustöð í borginni á leiðinni heim – og svo geturðu fullhlaðið  rafhlöðuna heima á meðan þú sefur til að nýta þér lægra raforkugjald að nóttu  til.

Staða rafhlöðu

Allt á einum skjá. Drægi og hleðsluástand rafhlöðunnar sést greinilega, sem og hleðslutími eftir því hvers konar hleðslubúnaður er notaður.

Fjölbreytt úrval möguleika til að hlaða KONA Electric

Heimahleðslusnúra

KONA Electric er búinn hleðslusnúru með innbyggðu stjórnboxi og  hægt er að stinga henni beint í samband við venjulega innstungu.
Hleðslutími:
31 klst. fyrir 64 kWh rafhlöðu

Heimahleðslustöð

Margir sem aka rafbílum vilja vera með hleðslustöð heima hjá sér til að geta hlaðið hraðar en með venjulegri innstungu. Þessar stöðvar eru ekki tengdar beint við straumrás heimilisins. 
Hleðslutími við 7,2 kW: 
9 klst. og 35 mín fyrir 64 kWh rafhlöðu)

Hleðslusnúra fyrir AC-hleðslustöðvar

Hleðslusnúran tengir KONA Electric við AC-hleðslustöðvar fyrir almenning. Þessa snúru má einnig nota til að tengja við heimahleðslustöð. Afköst almenns AC-hleðslustöðvar geta verið mismunandi eftir þjónustuveitendum.

Hraðhleðsla

Hraðasta hleðslan á KONA Electric fæst á jafnstraumshleðslustöðvum. 
Hleðslutími á 100 kW stöð: 
54 mínútur upp í 80% hleðslustöðu. 
Hleðslutími við 50 kW (80% hleðslustaða): 
75 mín. fyrir 64 kWh rafhlöðu

Rúmgóður og hagkvæmur

Nýr KONA Electric er hannaður til að létta undir í daglegu lífi. 
Mikið pláss er bæði fyrir farþega og farangur – með 332 lítra farangursgeymslu. Það skiptir ekki máli hverju þú sækist eftir.
Nýr KONA Electric býður upp á alla þá tengimöguleika sem gera má ráð fyrir og nýstárlega tækni sem auðveldar lífið.
Hljóðkerfið frá KRELL skilar ótrúlegum hljómgæðum.

Þráðlaus hleðsla

Á miðstokknum er þráðlaus hleðslustöð (Qi-staðall)
þar sem þú getur hlaðið Qi-samhæfa snjallsíma án þess að nota snúrur.

Fyrsta flokks KRELL-hljóðkerfi

Hljóðkerfið er frá KRELL og skilar ótrúlegum hljómgæðum. Það er með átta hátölurum, þar á meðal tveimur 20 mm hátíðnihátölurum, fjórum 160 mm bassahátölurum, einum 100 mm miðjuhátalara og 200 mm bassahátalara. Átta rása magnarinn skilar 45 W á hverja rás og hámarkar þannig hljóðupplifunina í bílnum.

Forstillingar hita- og loftstýringar

Stígðu inn í hlýjan bíl að morgni. Þegar KONA Electric er tengdur við rafmagnsinnstungu – eins og í bílskúrnum heima hjá þér – geturðu tímastillt hvenær þú vilt forhita bílinn í hitastig að eigin vali. Þetta er notalegt og sparar einnig rafhlöðuorku sem annars þyrfti að nota síðar til að hita bílinn á ferðinni.

Hiti/loftræsting í sætum

Svalt og gott? Eða hlýtt og notalegt? Framsætin fást með þriggja þrepa loftkælingar- og hitakerfi sem gera ökuferðina þægilega hvernig sem viðrar.

Ábyrgð

Eins og allir Hyundai-bílar er KONA Electric smíðaður samkvæmt ströngustu gæðastöðlum. Til viðbótar þessari gæðatryggingu fylgir honum fimm ára ábyrgð með ótakmörkuðum akstri til að þú getir notið þess sem þú kannt best að meta í lífinu, án þess að hafa áhyggjur af bílnum. Njóttu áhyggjuleysisins sem ein allra besta ábyrgð sem fyrirfinnst í bílaiðnaðinum veitir þér – stöðluð. Þessu til viðbótar er öfluga LiPo-rafhlaðan í KONA Electric með átta ára ábyrgð eða upp í 200.000 km akstur, hvort sem fyrr verður.

Sjónlínuskjár (HUD)

Eykur öryggi þitt með því að varpa mikilvægum upplýsingum á borð við hraða, leiðsögn og viðvaranir beint fyrir augun á þér. Kveikt er á honum með hnappi við hlið stýrisins og hann hverfur ofan í mælaborðið þegar hann er ekki í notkun.

7” skjá- og hljóðkerfi

Skjá- og hljóðkerfi með sjö tommu LCD-litaskjá fylgir innbyggð bakkmyndavél með sístilltum hjálparlínum og Bluetooth-tengingu. Það er einnig búið Apple CarPlay™ og Android Auto™ svo þú getur tengt símann þinn og stýrt tónlistinni, símanum og forritum í honum á aðalskjámyndinni.Apple CarPlay™ er skráð vörumerki Apple Inc.Android Auto™ er skráð vörumerki Google Inc.

8" leiðsögukerfi

Nýr KONA Electric býður upp á alla þá tengimöguleika sem búast má við og nýstárlega tækni sem auðveldar lífið. Hægt er að velja 8" snertiskjá með þrívíddarvirkni og mörgum spilunar- og tengimöguleikum. Honum fylgir 7 ára áskrift að LIVE Services, með rauntímaupplýsingum um umferð, veður, hraðaeftirlit* og áhugaverða staði. Hann styður einnig Apple CarPlay™ og Android Auto™ þannig að þú getur tengt símann þinn og stýrt tónlistinni, símanum og forritum í honum á aðalskjánum. Stafrænt útvarp er staðalbúnaður, sem og USB-tengi, hljóðinntak og Bluetooth-tenging.
*Viðvörun um hraðamyndavélar er ekki í boði í öllum löndum.
Apple CarPlay™ er skráð vörumerki Apple Inc.
Android Auto™ er skráð vörumerki Google Inc.

Tveggja svæða hita- og loftstýring

Eftir þínum þörfum. Þú stillir hitastigið og kerfið sér um allt hitt. Stilltu hitastig sérstaklega fyrir ökumann og farþega í framsæti – eða gerðu svæðið fyrir farþega í framsæti óvirkt til að spara rafhlöðuorku þegar þú ert ein(n) á ferð.

Hiti í stýri

Hlýjar hendur þegar kalt er í veðri. Með hita í stýri er miklu þægilegra að keyra á veturna.

Hleðsla á þaki

Settu dótið á þakið og drífðu þig af stað. KONA Electric er með toppgrind sem þolir allt að 80 kg hleðslu – sem þýðir að þú getur sett upp þakfestingu og haft með þér þann búnað sem þú vilt.

Hyundai SmartSense

Hyundai SmartSense er hugvitssamlegt aðstoðarkerfi fyrir ökumann í KONA Electric
og býður upp á nýjustu akstursöryggistækni sem veitir þér aukið öryggi og hugarró.

Háljósaaðstoð (HBA)

Aðalljósin fást með fyrsta flokks LED-tækni, þar sem saman fara lýsing í dagsbirtugæðum, löng ending og mun minni orkunotkun en í halógenljósum. Þegar kveikt er á sjálfvirkri stillingu greinir háljósaaðstoð bæði bíla sem koma úr gagnstæðri átt og bíla fyrir framan í myrkri og skiptir yfir í lágu ljósin eftir því sem við á til að forðast að blinda aðra ökumenn. Ef engir bílar greinast kveikir kerfið sjálfkrafa aftur á háu ljósunum.

FCA-árekstraröryggiskerfi með greiningu gangandi vegfarenda

Nýr Kona Electric er búinn FCA-árekstraröryggiskerfi með greiningu gangandi vegfarenda, framúrskarandi akstursöryggisbúnaði sem varar ökumenn við í neyðartilvikum og hemlar sjálfkrafa ef þess gerist þörf. FCA-árekstraröryggiskerfið notar ratsjár- og myndavélarskynjara að framan og virkar í þremur þrepum. Fyrst sendir það hljóðviðvörun og sjónræna viðvörun, grípur síðan inn í hemlana í samræmi við árekstrarhættuna og notar hámarkshemlunarkraft til að forða árekstri eða lágmarka tjón ef ekki verður komist hjá árekstri. Kerfið fer í gang þegar hraðinn er yfir 8 km/klst. og kerfið greinir bíl eða gangandi vegfaranda fyrir framan ökutækið.

Árekstrarvörn að aftan (RCCW)

Árekstrarvörn að aftan notar ratsjá á afturhornunum til að draga úr hættu á árekstri við bíla sem nálgast þegar bakkað er út úr þröngum svæðum með slæmu skyggni. Árekstrarvörn að aftan notar ratsjá til að skanna 180 gráðu svæði fyrir aftan bílinn og fylgjast með aðvífandi umferð frá hlið, og varar ökumanninn við með sjónrænni viðvörun og hljóði.

Akreinastýring (LKA)

Akreinastýring er staðalbúnaður í KONA Electric sem notar myndavélina framan á bílnum til að greina vegamerkingar. Ef farið er óvart yfir línu varar hún ökumanninn við og beitir stýrisátaki til að beina bílnum aftur inn á akreinina.

Akreinaaðstoð (LFA)

Nýr KONA Electric er búinn akreinaaðstoð. Þegar hún er virk heldur hún jeppanum á miðri akreininni á hraða milli 0 og 150 kílómetra/klst. á þjóðvegum og borgargötum.

Blindsvæðisgreining (BCW) með akreinaskiptihjálp

Blindsvæðisgreiningin notar einnig ratsjá til að fylgjast með afturhornunum og ef annar bíll greinist birtist sjónræn viðvörun í hliðarspeglunum. Ef ökumaðurinn gefur stefnuljós heyrist hljóðmerki ef bíll greinist þegar skipta á um akrein.

Athyglisviðvörun (DAW)

Athyglisviðvörunin eykur öryggi og þægindi með stöðugri greiningu aksturslags gegnum gagnasendingar sem varða til dæmis beygjuhorn, stýrisátak og staðsetningu bílsins á akreininni. Þegar kerfið greinir þreytu/einbeitingarleysi varar það ökumanninn við með hljóðmerki og viðvörunarskilaboðum þar sem mælt er með því að hann taki sér hlé frá akstrinum.

ISL-hraðatakmörkun (ISLW)

Hraðatakmörkunin notar myndavélina að framan frá leiðsögukerfinu til að greina hámarkshraðaskilti og birta hraðatakmarkanir og bannskilti í rauntíma. Upplýsingarnar eru bæði birtar á skjá leiðsögukerfisins og TFT-mælaborðinu.

Lágljósaaðstoð (LBA-S)

Betri yfirsýn og öruggari akstur. Lágljósaaðstoðin lýsir út í kant þegar ekið er í beygju og eykur þannig yfirsýn í myrkri.

Verð og búnaður